福音營前奏篇

明天開始一連三天是學校為六年級同學舉行福音營的日子，學生們當然熱切期待這一天的來臨，而我－－只可以說一半一半啦！
期待的是可以和同學仔一齊在營內生活，讓我可更認識他們，了解他們；擔心的除了天氣、秩序、回來後要追趕的課程等外，最擔心的是＂冇覺好瞓＂，因為細路第一次和同學去camp，當然係興奮得很，所以老師們就忙碌得很－－一趕再趕（趕細路瞓覺）；但其實說真的，自己去教會的夏令會，最後的一晚都會同Ｄ姊妹係房裏面傾計傾到三更夜半，每當舍監行過都會立即＂收聲＂，而聲浪亦會逐漸減少，以免影響太大，所以......各位同學仔，要傾都要識做，唔好令到老師們冇覺好瞓呀！
這次的營地是多年冇去的宣道園，記得以前在舊校都有一次係去宣道園，但那次我只去兩日一夜，因為當時仍讀緊書，第一晚要返學，所以未能去全營，但聽聞首兩天是最正的，不知這個＂全包營＂的節目有冇更改呢？